Tuesday, December 21, 2010

आकाशी झेप घे रे पाखरा - जगदीश खेबूडकर

( ऑडीओ - व्हीडीओ सहित )
आकाशी झेप घे रे, पाखरा
सोडी सोन्याचा पिंजरा

तुजभवती वैभव, माया
फळ रसाळ मिळते खाया
सुखलोलुप झाली काया
हा कुठवर वेड्या, घेसी आसरा

घर कसले ही तर कारा
विषसमान मोती चारा
मोहाचे बंधन द्वारा
तुज आडवितो हा कैसा, उंबरा

तुज पंख दिले देवाने
कर विहार सामर्थ्याने
दरि, डोंगर, हिरवी राने
जा ओलांडुन या सरिता, सागरा

कष्टाविण फळ ना मिळते
तुज कळते, परि, ना वळते
हृदयात व्यथा ही जळते
का जीव बिचारा होई बावरा

घामातुन मोती फुलले
श्रमदेव घरी अवतरले
घर प्रसन्नतेने नटले
हा योग जीवनी आला, साजिरा

गीत - जगदीश खेबूडकर
संगीत - सुधीर फडके
गायक - सुधीर फडके




( Aakashi zep ghe re pakhara , todi sonyacha pinjara )

1 comment:

  1. lovely song... full of memories..

    ReplyDelete

Please comment. Your review is very important for me.